080406-我主,是我的牧者
我主,是我的牧者,祂知我所欠用, 賞賜我當項有夠額,我可全心信靠祂, 引導我躺在清脆草埔,導到安靜的水邊, 我主是我的牧者,我必跟隨祂腳步。 雖然行過死蔭的山谷,我也攏不驚災害, 因為主必保護照顧我,導我脫離黑暗路, 有時煩惱與憂傷,包圍心內驚惶真艱苦, 祂在我身邊安慰扶持,永遠攏無離。 我主,是我的牧者,祂與我相同行, 賞賜我有慈悲憐憫,賞賜氣力與盼望, 主耶和華是我牧者,永遠攏無放捒我, 我主,是我的牧者,永遠與我相同行。


下載 : 080406song1.mp3 (1.4 MB)
發表於2008/07/05 11:59 (1080下載)
080323-榮耀羔羊
君王祭司與先知,聽見上帝真道教示。 差遣聖子來犧牲,愛疼流落罪債還清。 榮光寶貝羊羔,奇妙愛疼故事。 上帝心意欲救世人,來敬拜榮光羊羔。 十架頂愛疼表明,地獄權勢攏總廢無。 世間人真難了解,基督竟然成做羊羔。 榮光寶貝羊羔,奇妙愛疼故事。 上帝心意欲救世人,來敬拜榮光羊羔。 眾聖徒相與聚集到永遠, 唱歌讚美榮光歸聖羊羔, 榮光聖羊羔。 榮光寶貝羊羔,奇妙愛疼故事。 上帝心意欲救世人,來敬拜榮光羊羔。 榮光聖羊羔,洗我白如雪, 來敬拜榮耀聖羊羔。來敬拜榮耀羊羔。 來敬拜榮耀羊羔。榮耀歸羊羔!


下載 : 080323song1.mp3 (2.1 MB)
發表於2008/07/05 11:56 (991下載)
080302-聖主頭額今受傷
聖主頭額今受傷,受辱俯頭悲傷, 四圍眾人侮辱祂,編刺冕旒強戴, 聖主原本極榮光,至今賜福齊全, 雖受侮辱血淋漓,認祢"我主"歡喜。 我主所受的苦痛,全為有罪的人, 由我犯罪忤逆祢,累祢受苦慘死, 今我立約跪主前,為祢受苦我肯, 求祢慈愛看顧我,施落恩惠滿滿。 我當怎樣來感恩,獻給親愛人君, 因為我主受苦死,憐憫受疼無比, 求祢使我永屬祢,就免失志傷悲, 主啊,願我在一生,愛祢隨祢無停。 臨終求主倚近我,本身顯出我看, 願主可憐來拯救,釋放使我自由, 心目覲主心堅定,注神看主無停, 凡若由信離世間,享受主愛無限。


下載 : 080302song1.mp3 (1.4 MB)
發表於2008/07/05 11:54 (879下載)
080203-咱就來吟詩
咱就來吟詩、吟詩讚美耶和華 要出大歡喜的聲 讚美拯救我的磐石 祂從地面四角,從地的四角圍 又大海及高山、祂是我的上帝 咱就來吟詩、吟詩讚美耶和華 要出大歡喜的聲 讚美拯救我的磐石


下載 : 080203song1.mp3 (1.3 MB)
發表於2008/07/05 11:52 (1099下載)
080106-聖哉!聖哉!聖哉!
聖哉﹗聖哉﹗聖哉 聖哉聖哉聖哉,全能大主宰, 咱當齊聲唱歌,謳咾主耶和華; 聖哉聖哉聖哉,掌理天地與海 謳咾上帝至尊至高至大。 聖哉聖哉聖哉,萬聖都敬拜 冕旒感恩尊崇,奉獻佇寶座前; 千千萬萬天軍,暝日謳咾敬尊 出聲感謝永遠上帝大恩。 聖哉聖哉聖哉,全智大主宰, 萬民大聲吟詩,謳咾上帝慈悲; 聖哉聖哉聖哉,尊崇到萬世代 謳咾三位是獨一的主宰。


下載 : 080106song1.mp3 (1.1 MB)
發表於2008/07/05 11:48 (1058下載)
<<  <  5 6 7 8 9   >  >>