120916-讚美之歌
唱每首歌，讚美的歌，攏用阮讚美的聲，恭敬唱的歌
求祢接納阮所獻的詩，阮的讚美，阮的奉獻
阮的祈禱求祢聽，求祢開阮的心門，識祢真理
阮今將阮的祈禱排列，請教示阮聽祢的聲
讚美的聲是要報揚，救主真理乎世人知
求祢開阮頭前的路，祢真理萬人攏可聽
在每時刻，在各所在，主求祢乎阮每一人換新的心
阮可讚美敬拜祢，用新的心與新的靈，來讚美祢向祢祈禱，唱每首歌
《聆聽「純音樂檔」請由以下播放》
發表於2012/09/16 10:21
(2841下載)
120819-勇敢堅固信徒
勇敢堅固信徒，卡贏眾艱苦，不論好歹境遇，跟隨我救主。
雖有失望餒志，反轉愈有勇氣，對起頭所欣慕，向前行天路。
抵著憂悶傷悲，四面啲包圍，攪擾攏無採工，信仰未搖動。
雖然抵著對敵，猶久靠主能力，益發堅心奮鬥，向前行天路。
救主施恩保護，得聖神幫助，阮知行盡路程，通承接永生。
免驚四面風聲，無互環境卡贏，暝日堅心奮鬥，向前行天路。
《聆聽「純音樂檔」請由以下播放》
發表於2012/08/19 10:22
(2968下載)
120715-數念聖徒歷代為主干證
數念聖徒歷代為主干證，早時受苦現時享受安寧，耶穌聖名永得頌讚尊榮，哈利路亞！哈利路亞！
主作石磐營寨戰甲籐牌，作軍長指揮永遠不失敗，真光導因遍照烏暗世界，哈利路亞！哈利路亞！
懇求耶穌助阮現時當兵，學因虔誠盡忠好膽出征，得主氣力有信心通得勝，哈利路亞！哈利路亞！
聖徒相通一體受恩享福，阮佇戰場因佇天堂快樂，全體屬主及祂結連受福，哈利路亞，哈利路亞！
《聆聽「純音樂檔」請由以下播放》
發表於2012/07/15 10:19
(2845下載)
120617-疼的王
主耶和華是我牧者，祂互我逐項夠額。我倚靠祂攏無欠缺，祂是我永遠君王。
倒佇青翠溪邊草埔，祂互我靈魂精英。導我到可安歇水邊，祂互我永遠飽足。
行過死蔭山谷，有祢保護，我攏無驚惶。祢用槌與柺安慰我，引導我行義的路。
每一日祢賜給阮吃，每一時刻互阮穿。
我的牧者我嘔咾祢，我的牧者我嘔咾祢，佇祢居起的厝，阮渴慕的厝。
《聆聽「純音樂檔」請由以下播放》
發表於2012/06/17 10:26
(3241下載)
120513-康乃馨
發表於2012/05/13 09:33
(2924下載)
120415-謳咾與尊貴
謳咾與尊貴，哦！榮耀與權勢，永遠攏屬主上帝。
謳咾與尊貴，哦！榮耀與權勢，攏歸佇赦罪的羊羔，祂坐佇寶座。
跪落敬拜祂，虔誠來仰望祂，坐佇寶座赦罪羊羔。
祂名值得尊崇，祂名充滿榮光，榮耀與尊貴，攏歸佇祂。
謳咾與尊貴，哦！榮耀與權勢，永遠攏屬主上帝。
謳咾與尊貴，哦！榮耀與權勢，攏歸佇赦罪的羊羔，祂坐佇寶座。
跪落敬拜祂，虔誠來仰望祂，坐佇寶座赦罪羊羔。
祂名值得尊崇，祂名充滿榮光，榮耀與尊貴，攏歸佇祂。
謳咾與尊貴，榮耀與權勢，永遠攏屬主上帝。
謳咾與尊貴，榮耀與權勢，攏歸佇至尊的上帝。
祂是至尊主上帝，寶座永遠攏屬祂，永遠到永遠攏屬祂。
《聆聽「純音樂檔」請由以下播放》
發表於2012/04/15 10:23
(2846下載)
120318-我心恬靜
我心恬靜，安穩惦主翼下，吞愞來背，悲傷苦痛十架
照主所愛，趁祂命令安排，世事會變，我主信實常在
我心恬靜，經過荊棘路程，耶穌我主，賞賜喜樂安寧
我心恬靜，上帝穩當引導，直到將來，親像早日一般
堅信向望，徛在攏無搖動，奧祕情境，路尾攏會看明
我心恬靜，無論偌大風湧，趁主命令，萬事攏會平靜
我心恬靜，日子緊過無停，使命完成，主同在永安寧
憂悶失志，驚惶攏欲過去，無閣傷悲，回復真實歡喜
我心恬靜，災變目屎過去，到尾的確，享受安穩福氣
《聆聽「純音樂檔」請由以下播放》
發表於2012/03/18 10:30
(3193下載)
120219-上帝疼惜世間人
上帝疼惜世間人，特派耶穌從天臨，認罪悔改信福音，出死入生得光明。
人生在世自來遊，時間一到付東流，再多財寶帶唔去，惟有永生萬代留。
《聆聽「純音樂檔」請由以下播放》
發表於2012/02/19 10:27
(2933下載)
120101-人對我講，我就歡喜
人對我講，對我講，當有人對我講，同齊進入耶和華的殿內
我歡喜當人講，當有人對我講，同齊進入耶和華的殿內
哦！主，阮欲吟詩唱出榮耀，閣思念主的疼
阮欲聽見主的故事，閣認識天頂奧妙所在
手牽手，心連心，同享受主福氣，當咱渴慕敬拜謳咾主，唱永遠活的歌
人對我講，對我講，當有人對我講，同齊進入耶和華的殿內
我歡喜當人講，當有人對我講，同齊進入耶和華的殿內
哦！主，我歡喜當人講，有人對我講，同齊進入耶和華的殿內
同齊進入耶和華，同齊進入耶和華的殿內，我歡喜！
《聆聽「純音樂檔」請由以下播放》
發表於2012/01/01 10:32
(3029下載)
111218-佇清靜的暗暝
佇清靜的暗暝，主耶穌出世。祂面貌真古錐，安歇佇槽裡。
牧者抱羊仔來，進入羊廄內。奉獻因的羊仔，表示因的疼。
佇清靜的暗暝，主耶穌出世。看眾人啲歡喜，祂也笑瞇瞇。
東方的博士到，看著祂面貌。就獻因的寶貝，感謝父上帝。
主耶穌我疼祢，請惦我心裡。互我專心一意，疼祢盡一世。
我愛獻我所有，報答祢恩賜。成做祢所歡喜，做光明子兒。
《聆聽「純音樂檔」請由以下播放》
發表於2011/12/18 10:27
(2994下載)
111120-萬民啊恁著謳咾
萬民啊！恁著謳咾、著謳咾主上帝，萬民啊！恁著謳咾、著謳咾主上帝。
萬民啊！恁著謳咾、著謳咾主上帝，萬民啊！恁著謳咾、著謳咾主上帝。
Laudate omnes gentes Laudate Dominum
Laudate omnes gentes Laudate Dominum (拉丁語)
發表於2011/11/20 09:49
(2981下載)
111016-主，我欲謳咾祢
主，我欲謳咾祢，盡心盡意，我欲報揚祢奇妙大權能，歸榮光祢聖名。
主，我欲謳咾祢，盡心盡意，對祢欲尋著人生的喜樂，哈利路亞。
主，我真實疼祢，盡心盡意，我欲報揚祢奇妙大權能，歸榮光祢聖名。
主，我真實疼祢，盡心盡意，對祢欲尋著人生的喜樂，哈利路亞。
主，我欲服事祢，盡心盡意，我欲報揚祢奇妙大權能，歸榮光祢聖名。
主，我欲服事祢，盡心盡意，對祢欲尋著人生的喜樂，哈利路亞。
《聆聽「純音樂檔」請由以下播放》
發表於2011/10/17 03:43
(2971下載)
110918-咱著對主唱歌
新聖詩16首
咱著對主唱歌，快樂吟詩來謳咾，唱出愛疼詩歌，謳咾主每日新創造。
上主奇妙創造，星辰日頭及大海，祂看所做是好，萬有極美麗閣和諧。
哈利路亞！哈利路亞！歡喜對主唱歌！哈利路亞！
咱著對主感謝，快樂吟詩來尊崇，表現信心及疼，萬有對主所得希望。
一切受造萬有，稱讚上主極偉大，咱謳咾主吟詩，為祂賜福可愛世界。
哈利路亞！哈利路亞！歡喜對主唱歌！哈利路亞！歡喜對主唱歌！哈利路亞！
發表於2011/09/18 10:35
(2944下載)
110821-大太陽照彩虹
新聖詩13首
大太陽照彩虹，射出溫暖照四方，星球踅四季變，天地萬有命相連。
小月亮細金星，閃閃發光照暗瞑，微風涼心輕鬆，平安睏好眠夢。
鳥隻飛蟲爬，青草芳花滿四界，溪清清水冷冷，魚蝦逍遙真安寧。
鳥隻飛蟲爬，青草芳花滿四界，溪清清水冷冷，魚蝦逍遙真安寧。
《聆聽「純音樂檔」請由以下播放》
發表於2011/08/21 10:16
(2874下載)
110717-求主你用聖神來充滿我
求主用祢聖神來充滿我心，助我親身感受祢火熱的慈愛，求主仁愛充滿心內。
求主用祢聖神來施恩賜福，助我親身感受祢喜樂的慈愛，時刻體驗心神和諧。
求主用祢聖神來差我出去，助我親身感受祢心中的慈愛，對全世界宣揚仁愛。
《聆聽「純音樂檔」請由以下播放》
發表於2011/07/17 10:26
(2780下載)
110619-新的天，新的地
新聖詩175
新的地，新的天，上帝的靈運行；新種籽，新創造，活命的靈運行；新男性，新女性，上帝形像運行。
【複歌】向主唱新歌，祂互萬有換新。互萬有換新。
新疼痛，新憐憫，上帝的靈運行；新力量，新希望，活命的靈運行；新的心，新精神，上帝形像運行。
新思想，新智慧，上帝的靈運行；新律法，新契約，活命的靈運行；新名字，新性格，上帝形像運行。
新的地，新的天，上帝的靈運行；新性命，新創造，活命的靈運行；新男性，新女性，上帝形像運行。
發表於2011/06/19 10:27
(2930下載)
110508-老母教我的歌
發表於2011/05/09 07:49
(2941下載)
110508-上帝偉大奇妙大作為
新聖詩469
上帝偉大奇妙大作為，咱唱新歌來慶賀祂，疼痛寶座代代出光輝，著來敬拜獨一無二；
極大拯救人知主作為，歷代聖徒告白歡喜，上帝啟示萬邦存敬畏，充滿真理無窮仁義。
心大歡喜謳咾無停止，用聲音、樂器敬拜祂，謳咾祂豐盛恩典作為，萬邦萬國齊聲歡喜；
鑼鼓、管弦、風琴攏齊備，聲音傳遍天頂逐位，地上、海洋、萬物攏合意，唱出詩歌敬拜讚美。
河川海洋波浪齊興起，大聲稱讚上主仁義，山嶺岩石同尊崇拜跪，齊聲頌讚上帝名字；
公義威嚴及榮耀逐時，謳咾詩歌永無停止，咱主上帝真理得勝利，世界和平永受建置。
發表於2011/05/09 07:47
(1924下載)
110417-神蹟
祂親像是完全失敗，對敵猖狂門徒驚惶，上帝的子受釘十架，釘佇十架流出寶血。
死亡臨到性命衰微，無救自己靜靜受苦，上帝的子受釘十架，祂親像是完全失敗。
啊，這是主的智慧，啊，這是主的榮耀。啊！這是主的智慧，這是主的慈愛。
對敵不能阻擋，撒旦不能明白。啊，擔當咱的罪過，啊，完全贏過死亡。
啊，祂從死裡復活，耶穌得勝君王！耶穌得勝君王！
發表於2011/04/17 10:54
(2755下載)
110320-宇宙主宰,你還等偉大
新聖詩11首
宇宙主宰，祢何等偉大，創造萬有裝飾此世界；世世代代稱讚祢榮耀，這宇宙何等美妙。
所有壯年老輩，一切囝仔序細，無分男女老幼，謳咾上帝創造宇宙。
四季變換，安排有秩序，歸年通天物產眞豐富；大地見證充滿主榮耀，萬有報揚祢奇妙。
所有樹木花草，一切走獸飛鳥，攏總魚類蟲thõa，歡喜謳咾創造奇妙。
對主創造世人得教導，互阮參與不斷的創造；祢的恩典不斷在包圍，祢慈愛永遠無離。
不管族群種類，無論貧賤富貴，無分階級高低，謳咾歌聲永遠無退。
發表於2011/03/20 10:35
(2773下載)